曹永廉認證黃翠如藍絲身份「直頭係自己友」

森美套新劇《過街英雄》是非不絕，先有「杯葛界教主」梁振英加持，為咗澄清一段唔係自己打嘅「杯葛文」，而將段文轉載去自己嘅個人平台，不過一眾「信徒」就睇啲唔睇啲，只係睇到「杯葛」部份，於是群起話要杯葛TVB。雖然事後教主有再三澄清，不過已經成功幫森美套新劇造勢，黃藍陣營都等套劇播出。

唔少藍血人都話要罷睇呢套劇，不過「藍血界KOL」曹永廉（Forever Cheap）就睇唔過眼，事關呢套劇係佢死黨蕭正楠個老婆黃翠如有份主演，為咗幫阿嫂力挽收視，曹永廉就喺FB群組「Save HK」出口術，用自己賬號留言「黃翠如不是黃屍」力證黃翠如不黃，還附上三個雙手合十的emoji。有網民見到曹永廉個留言，立即回覆問係咪確定翠如藍血人嘅身份？曹永廉就叫大家信佢，仲留言讚「直頭係自己友」。見到有藍血界KOL信心認證，有網民即時話：「你係老蕭小三，我信你」。