時至今日，仍然有好多外國人認為成龍係深受港人歡迎嘅功夫巨星，而家終於有外媒幫手update下最新情況嘞！
話說外媒Vice News刊登咗篇題為「呢個就係點解成龍喺香港咁L唔受歡迎的原因」（Here’s Why Jackie Chan Is Really Unpopular in Hong Kong），幫手向外國網民解釋，點解佢身為國際功夫巨星，仍然會有咁多人唔鍾意佢。
文章一嚟先介紹佢嘅背景，指成龍雖然係一個好有代表性嘅功夫巨星，而且喺西方國家非常受歡迎，但其實外國笨唔了解成龍呢個人！
事實係成龍一直毫不忌諱地發表愛國言論同支持黨，甚至被邀請加入成為黨員；又提到佢喺09年，曾經喺某亞洲論壇表示：「香港同台灣因太自由而好亂，所以中國人一定是需要管的，否則就會為所欲為。」意指香港同台灣都屬於中國，因此唔應該享有自由。
到咗2019年，社會上出現反送中運動，成龍接受訪問時指，反送中運動令到好多人痛心、憂心，並再一次重申自己愛國嘅立場，話佢見到當時喺微博上見到有人發起「我是護旗手」行動，然後就第一時間轉發咗，因為想表達作為一個「香港人、中國人」嘅愛國之心。最近佢又表態支持《港版國安法》，並指中國應該要禁止被分裂、顛覆bla bla bla，並認為最嚴重應該要判處終身監禁！
文中提到，其實好多香港同台灣網民，都標籤佢為「雙面人渣」（two-faced scumbag）、「叛徒」（deviant traitor），因為成龍喺香港土生土長、一直享受著香港帶俾佢嘅自由同民主，但不斷背叛呢種價值，仲繼續宣揚愛國主義。
如果有日Jackie問香港人「你哋真係咁憎我？」，相信香港人心入面自有答案了。
網民反應熱烈：
資料網友提供，貼文只供back up用途
聲明：以上資料轉載自網絡，僅供參考。全港各區預料會有突發情況，各位切勿參與未經批准或非法的集會，本專頁亦不鼓吹任何犯法行為。
