有「撐警」網民見到合照以為楊明支持「黃店」，大感不滿，楊明急急在facebook和微博解釋：「呢班𡃁仔真蠱惑，笑容滿面走過嚟叫我同佢哋合照，見你咁有禮貌咪同你哋玩吓，以後對人對事都用呢個態度就對了，以後要乖乖呀。」更「警察上身」加上hashtag「五個一排，全部拉晒」。
而女友莊思明亦嬲爆發文，以尖酸用詞大鬧相中店員：「賤人就係會用賤招去害人，得啲白痴先會信你哋。兩條友扮晒有禮貌衝埋嚟叫人同你哋影相，正常一個有家教嘅人都會影啦！點知原來條賤仔鬼鬼祟祟做啲咁賤格嘅手勢！你哋以為咁就會分化到藍人？慳啲啦！有時間去做多啲有意義嘅事啦，唔好成日掛住諗點害人啦！」
章偉鎽沒想過「楊明」立萬，冷不防相片掃下17,000個like；他坦言並非存心設伏，不想陷對方於不義（或者正義），之後在圖下補充事件始末；對於莊思明大罵「黃絲賤種」，他說：「我都明白，佢哋身為明星一定要澄清，擔心斷財路嘛大佬！」至於楊明回敬「五個一排」，應如何賞析？「藍絲鍾意點諗就點諗，佢哋話隻馬係鹿都得啦！」
記者問章偉鎽何故深黃，他答：「黃？有批判性思考就黃。」他在社運期間早上練波，夜看街頭燈火闌珊。楊明有份演出《愛．回家》，當時阿鎽每晚都能回家，不曾五個一排，只是球員生涯受考驗，「三、四點回家，第二朝起到身練波，頹啲咁練，主要係心情頹，你見咁多手足被捕，見到爆晒眼，流晒血，第二日邊有心情練波？」他司職中場防守，本應是全隊跑動最多的一員，結果是最頹的一個，入球也不慶祝，隊友問：「你搞咩？」生活完全圍繞抗爭，日子如夢似幻，一天女友通知他：「噚日係我生日。」
爸爸早逝，媽媽勞碌半生捱大兒子，誰願放手？「佢見到有人流血、爆眼，好驚自己個仔係下一個。」姨母患癌，半夜在醫院也打給阿鎽：「返屋企未？安全未？」又叮囑：「做咩都好，最緊要睇住自己！」到得後來病毒抬頭，爬山不再，港超也暫停，他說：「做咗全職足球員兩年，疫情之下，幾鍾意踢波都冇得踢，我而家覺得冇踢波冇乜特別，我以前一直唔敢想像我唔踢波。」
/cloudfront-ap-northeast-1.images.arcpublishing.com/appledaily/WVMSQJCZONCLNBCY267EQASS7Y.jpg)
資料網友提供，貼文只供back up用途
來源：網路資料
聲明：以上資料轉載自網絡，僅供參考。全港各區預料會有突發情況，各位切勿參與未經批准或非法的集會，本專頁亦不鼓吹任何犯法行為。
