楊明與女主角有親熱鏡頭惹莊思明不滿 許芯悅：有錢唔係大晒㗎

曾在ViuTV節目亮相的許芯悅（Katie），最近與楊明拍攝新戲《時代》，更在戲中飾演情侶，有指同樣有份演出的楊明女友莊思明，不滿男友與許芯悅拍攝時拖手兼挨心口，所以場場戲都「近距離監視」，而許芯悅則被莊思明的「氣場」嚇窒，遂私下向友人訴苦。

許芯悅在荃灣出席活動時便回應事件，接受《香港01》訪問期間更聲淚俱下兼成身震晒極激動：「佢（莊思明）隔住4、5個身位咁望住我，望到我好驚，我只能夠唔出聲。（同場演員冇察覺到異樣？）我諗冇乜人留意到。」

問莊思明有否說過什麼令她覺得不懷好意？她說：「當時冇。（之後有？）我諗我而家唔可以講太多。（有人叫你唔好講太多？）報道出咗之後，有人叫我唔好講嘢，我收到好多呢個人嘅Message，佢係咁鬧我，我都只係回覆記者幾句咋嘛。」

之後許芯悅愈講愈激動：「我好驚再俾人人身攻擊同埋詛咒！」另外，許芯悅又說：「我覺得人與人之間最緊要係互相尊重！唔係個個都諗住將俾人鬧嘅Message俾記者做C1，因為C幾多都唔係代表乜嘢，同埋有錢唔係大晒㗎！就算我生得矮做Ｍodel都唔係人格差，高度同人格係唔會成正比。」

對於許芯悅在活動上爆喊指受到侮辱，莊思明回覆時說：「佢呢頭喺我哋個電影群組度同我、阿楊講晒對唔住，又話抱歉兩位，估唔到報道會出嚟咁樣，依家出嚟見記者又話受侮辱，其實佢係咪有精神分裂？佢係咪靠老屈嚟呃飯食！好似我先係受害者喎！」

莊思明在社交網發文自辯：

資料網友提供，貼文只供back up用途

來源：網路資料

聲明：以上資料轉載自網絡，僅供參考。全港各區預料會有突發情況，各位切勿參與未經批准或非法的集會，本專頁亦不鼓吹任何犯法行為。